S'abba gadduresa Smeraldina est sa mègius de su mundu

Aprofundimentu de su chenàbura - S'abba gadduresa Smeraldina est sa mègius de su mundu. Ma dae ue naschet s'abba Smeraldina? S'abba Smeraldina naschet in su Monti di Deu a treghetos a metros a fundu.

S'azienda de Tèmpiu, difatis, est sa binchidora de su concursu "Berkeley Springs International".

Unu prèmiu de importante meda, chi onni annu s'isbòligat in sa tzitade de Berkeley Springs, in su West Virginia. S'abba sarda, torrat a domo dae unu de sos istados USA cun sa medàllia de oro. Su cuncursu americanu eleghet galu Smeraldina comente s'abba minerale naturale mègius de su mundu.
 

Sa gara de s'abba est cunsiderada su tastu prus mannu de su mundu, no est pro nudda ca esàminat s'abba chi lompet dae totu su mundu.
Sa de Smeraldina est sa de duas medàllias de oro, unu resurtu chi cunfirmat a manera autorèvole su primore de s'abba gadduresa, una de sas prendas de su territòriu tempiesu.
 

Sas resèssidas de s'abba Smeraldina non si ispantant pro nudda, Smeraldina est dae annos meda chi àrtziat in su pòdiu de s'abba minerale mègius de su mundu, sende premiada primu cun su brunzu, a pustis cun sa prata in su de trinta "Berkeley Springs International Water Tasting", e in fines cun s'oro.
 

Unu prèmiu, su batidu a domo dae s'abba Smeraldina, chi sos chimbe frades Solinas, Mauro, Riccardo, Marco, Nicola e Antonio, ant chèrridu dedicare a sa mama e a su babbu issoro, fundadores de s'azienda chi dae su 1985 est A.L.B S.p.A. Sunt pròpiu Giovanni Maria Solinas e sa mùgere chi in su 1955ant postu in òpera sa primu ampulla de abba: sa Plubium. Sunt issos, cun su traballu issoro, sa conca de onni punna, de onni idea, de onni sentidu e de onni valore de Smeraldina. Elementos totus chi dae semper sunt sa fortza de onni traballadore chi leat parte a s'acumprida de su marcu Smeraldina, est a nàrrere, lu torramus a repìtere, de su marcu de s'abba mègius de su mundu.