Inauguratzione de sa "Biblioteca Heinz Jürgen Wolf de istùdios linguìsticos e de limba sarda

Su 15 de su mese de nadale 2021, dae sas 10.00 a sas 12.30, at a èssere inaugurada sa Biblioteca Heinz Jürgen Wolf de istùdios linguìsticos e de limba sarda. Sa Biblioteca, chi at a èssere in sos locales de s’ANMIG - “Domo de sos Mutilados”, in Carrera de Dante Alighieri 19 in NÙGORO, naschit in ammentu de Heinz Jürgen Wolf (1936-2016).

Difatis, gràtzias a sa voluntade de sa fìgia Mimi e de sa mugere de Wolf Sìlvia, Diegu Corràine, presidente de sa SLS, Sotziedade pro sa Limba Sarda, «at otentu in donu totu sa biblioteca de su prof. Heinz J. Wolf., pro la pònnere a disponimentu de su pùblicu de sos interessados».