Sant'Antiogu, protesta in su litzeu pro sos sèberos de sa Giunta. Su sustegnu de Sinistra futura

In su litzeu “Lussu” de Sant’Antiogu, sas dies coladas, dotzentes e dischentes ant animadu una protesta contra a su sèberu de sa Giunta comunale chi at deliberadu sa recuisitzione de locales impreados dae tempus (impreu ordinàriu e laboratoriale) pro los destinare a impreu no iscolàsticu. Cosa chi at fintzas determinadu su trasferimentu de classes a àtera sede. A sustegnu de sa protesta b’at una nota de Sinistra Futura chi faeddat de gestione «inadeguada e privatìstica de su bene pùblicu» (su Comune est propietàriu). Mentovada «sa norma vigente» (est a nàrrere s’artìculu 139 de su D. Lgs 112 de su 31 de martzu de su 1998), in ue su “pianu de impreu de sos edifìtzios iscolàsticos e de sas atretzaduras” devet mòvere dae una programmatzione dèghida de sos entes locales cumpetentes e a pustis de un’intesa cun sas istitutziones iscolàsticas. Immàgine pexels