Genotzìdiu, incruèschida bèllica, diritos democràticos, duos apuntamentos in Tàtari su 30 e su 3

Contra «a su genotzìdiu de su pòpulu palestinesu», «a s’incruèschida bèllica perigulosa» e «a s’atacu contra a sos diritos democràticos cun su Ddl 1660». Est custa sa prataforma de duos apuntamentos tataresos organizados dae Sa Domo de Totus, Fronte della Gioventù Comunista, Cobas Scuola Sardegna, Gàmbia Society, Giòvanos palestinesos. Su primu est su de su 30 de santugaine a sas 6 de sero in sa sede Cobas; ant a faeddare in assemblea Osman Fatty ("Per la decolonizzazione dei popoli"), Ànghelu Marras ("Rapporto Draghi, energia e guerra") e Dahood Jamal ("Fermare il genocidio, liberare la Palestina"). Su segundu est programmadu pro su 3 de santandria cun unu corteu dae sas 5 de merie movende dae s’emitziclu de Garibaldi.