"Costùmenes", sos bestires de su Monte Arvu in unu libru

Su 25 de santugaine, in sa sala consiliare de s’Unione de sos Comunes de su Monte Arvu, in Thiniscole, ant a presentare “Costùmenes”, unu libru chi movet dae sos bestires de su connotu de sas 9 biddas de su territòriu (Bitzi, Lodè, Lùvula, Onanie, Osidde, Orune, Pasada, Thiniscole e Torpè). Su libru, patrotzinadu dae sa Fondazione di Sardegna, l’ant a prontadu cun sa gestione de Suia Srl. Pro sa gràfica b’at traballadu Intu Agency. A sa presentada b’ant a èssere su presidente de s’Unione Salvatore Ruiu e s’antropòloga Giuliana Pittalis chi at faeddare de sa gènesi e de sas punnas de su traballu. Addòbiu moderadu dae sos dipendentes de s’àrea amministrativa de s’ente Gianfranco Migliorisi e Angelo Canu.