Iscola tzìvica Mea, in Thiniscole una collana discogràfica

In prus de sos cursos noos (càntigu lìricu, clarinetu, flàutu, teoria musicale, trumba e percussiones/drum circle), s’iscola tzìvica de mùsica Mea (Thiniscole e àteros 8 comunes de sa zona) annùntziat sa essida de sa collana discogràfica Nuovi Suoni cherta dae su diretore de s’iscola, su musitzista nugoresu Cristiano Porqueddu. “Nuovi Suoni Vol.1” est su tìtulu de su primu Cd, pro como petzi in streaming. «Est sa prima produtzione discogràfica professionale – narat Porqueddu – cuidada dae un’Iscola tzìvica de sa Sardigna». Sa collana naschet cun s’agiudu de Musicare, DOC Educational e Regione sarda. Sa classe de dischentes presentes in su discu l’at contivigiada du musitzista Maurizio Pulina. In su mese de nadale su cd fìsicu.