Fortza Paris? Forza Italia! Su Psd’Az isparesset dae su Cussìgiu regionale

Cun sas regionales coladas, su Partidu sardu aiat otènnidu petzi tres cadreas in Cussìgiu regionale. Unu disacatu, sende chi fiat su partidu de su presidente uscente Christian Solinas. Como Gianni Chessa, Piero Maieli e Alfonso Marras, elègidos in Casteddu, Tàtari e Aristanis ant disinnadu de si nche sètzere in pare cun su grupu de Forza Italia intrende·nche a su partidu chi tenet galu su nùmene de Berlusconi. Soso tres ant naradu de chèrrere giùghere a dae in antis sas «ideas sardistas in intro de unu partidu moderadu». Unu de sos ùrtimos slogan de su Psd’Az fiat “A innantis, fortes che nuraghes”. Su de s’ùrtimu cungressu fiat imbetzes «Senza radici non si vola». E sena cussigeris?