Fer: Pichetto Fratin contra a Todde o iscunfessende s’autonomia diferentziada?

A su ministru de s’Ambiente Gilberto Pichetto Fratin no l’agradant sos disinnos de sa Regione in contu de àreas no idòneas pro sa produtzione de energia dae fontes rinnovàbiles. A bisu suo su de «pònnere vìnculos ideològicos a sas rinnovàbiles in su 99% de su territòriu faghet totu prus difìtzile. Chèrgio bìdere su provedimentu ma si a beru est vinculante pro sos sete chilòmetros dae cada monumentu, in Itàlia non b’at tretos lìberos. Cada sete chilòmetros b’at una crèsia o unu fràigu classificadu. Ispero chi in Cunferèntzia de sas Regiones b’apat valutatzione congiunta pro evitare de àere binti règulas diferentes». Pichetto Fratin iscunfessende s’autonomia diferentziada?