Sa Domo de totus, su calendàriu nou pro firmare sa Pratobello 24

In sa chida chi b’est intre domìniga su 18 e sàbadu su 24 de austu, sos tzitadinos residentes in Tàtari ant a pòdere andare – leende·si in fatu su documentu de identidade – a sos banchitos aprontados dae Sa Domo de totus pro pònnere sa firma issoro a sa proposta de lege de initziativa populare connota comente Pratobello 24.

Custos sos apuntamentos: Ottava, su 18 in tretos de s’oratòriu de sa parròchia de su Santissimu Nùmene de Cristos dae sas 18 a sas 20; su 19 in pratzale de Segni dae sas 9 a sas 13; su 20 e su 21 in pratza Castello dae sas 17 a sas 20; Sas Puntas / Li Punti su 22 in tretos de sa crèsia de Santu Piu X dae sas 9 a sas 13; su 23 in su mercatinu intre sas carreras de Pasella e de Manunta, semper dae 9 a sas 13. In fines sàbadu su 24 torra in Tàtari, in s’emitziclu de Garibaldi dae sas 9 a sas 13.