“A-mare Santa Lucia”. Ambiente, isport e mùsica dae su 6 a s’8 de cabudanni

“A-mare Santa Lucia” est su nùmene de s’eventu chi, su 6, su 7 e s’8 de su mese chi intrat, ant a fàghere in Santa Luchia de Thiniscole. “Ambiente, isport e mùsica” sunt sos temas de sa manifestatzione organizada dae s’assòtziu culturale de arte cumpartzida “Frammenti” (cun s’agiudu de s’amministratzione comunale, de s’Unione de sos Comunes de su Monte Arvu, de sa Riserva de Biosfera Unesco “Tepilora, rio Posada e Montalbo” e de sa Fondazione di Sardegna). In intro laboratòrios, cunferèntzias, una residèntzia artìstica e escursiones, ma finas sa partetzipatzione direta de sos residentes cun “Verde resistente” aprontende giardinos sustenìbiles in tretos de sas ghennas de domo issoro. Su programma intreu in su situ de s’eventu (immàgine pigada dae cue).