Arte e tzìnema. In s'ExMa sa colletzione Selis

B’at galu carchi die (in s’ExMa finas a su 1 de cabudanni) pro pòdere bisitare sa mustra I manifesti cinematografici della collezione Senis, il cinema e l’arte dell’illustrazione chi presentat a su pùblicu bintises afissiones tzinematogràficas inèditas, locandinas, manifestos chi, dae sos trinta a sos sessanta de su sèculu coladu, sighint s’evolutzione de tècnicas e tendèntzias comunicativas. Anselmo Ballester, Ercole Brini, Sandro Symeoni sunt unos cantos ebbia de sos nùmenes chi firmant sos manifestos espònnidos. Fiat su 1928 canu su massaju de Antu ‘Èngiu Silvio Senis disinneit de abèrrere in bidda sua su primu tzinematògrafu pùblicu: su Savoia (s’Olimpia colada sa gherra). Sa mustra l’ant’ideada e organizada sos de Orientare cun sa collaboratzione de su responsàbile de sa colletzione Giorgio Senis, su patrotzìniu de su Comune de Casteddu, sa consulèntzia tècnicu-iscientìfica de sa Subrintendèntzia pro sa tzitade metropolitana de Casteddu e sas provìntzias de Aristanis e Sud Sardigna.