Su coordinamentu in Ceraxius: «Sa transitzione energètica cheret ecològica a beru»
Su Coordinamentu de sos comitados sardos contra a s’ispeculatzione energètica s’est addobiadu in su presìdiu ceraxinu de su No Tyrrhenian Link, in ue sas dies coladas b’at àpidu sa pesada “degli ulivi”. «Custa pesada – narant – rapresentat una forma noa de resistèntzia democràtica chi s’oponet a sa distrutzione violenta de sos territòrios nostros e a s’irraighinadura de àrbores sacros che a sos de s’olia. Custa protesta patzìfica, ma firma, est sa risposta de sas comunidades nostra a s’arrogàntzia de chie bolet impònnere progetos isperdidores sena pigare in cunsideru chi chi sos tzitadinos cherent, nen su benistare issoro. Su coordinamentu nostru est impignadu in una transitzione energètica chi siat ecològica a beru, giusta e rispetosa de sas comunidades. pedimus duncas chi totu sos territòrios de s’istadu bi pighent parte in forma ecuànime sena chi b’apat regiones chi depant sustènnere sacrifìtzios isproportzionados»
Immàgine frunida