Palestina, resistèntzia e presoneris, si nde faeddat in su Borderline de Tàtari

Non nde faghet de vacàntzias su movimentu de sos istudiantes pro sa Palestina. Pro martis su 9, dae sas 7,30 de sero in su Borderline, est programmada un’assemblea pùblica pro chistionare de presoneris palestinesos in Italia. Su pensamentu est a Anan Yaeesh, Alì Irat e Mansour Dogmush in udièntzia s’11 de custu mese e a totu sos palestinesos in sa presones sionistas. In lista sas parlatas de Fawzi Ismail, de s’assòtziu Amicizia Sardegna - Palestina, Sami Hallac de s’Unione Democràtica Àrabu-Palestinesa e s’iscritore Filippo Kalomenidis.