«Esentziones a sos impiantos Fer», su coordinamentu de sos comitados iscrient a sos cussigeris
![no speculazione](/sites/default/files/styles/header_md/public/upload/2024/06/445687103_122114253764307555_40653707433792779_n.jpg?h=a4d3f8bc&itok=dhdPJeCK)
Su coordinamentu de sos Comitados contra a s’ispeculatzione energètica at iscritu una lìtera a sos cussigeris regionales pro manifestare s’arrennegu contra a s’emendamentu a su disegnu de lege 15/2024 chi, narant, si presentat comente «unu tratamentu de favore a sos impiantos Fer in servìtziu pro sa Saras». Mentovadas sas esentziones pro 72 MW in sos impiantos de Seddori, Sàrdara e Biddanoa de Forru, sos 42 de Carbònia e Gonnesa, sos 54 de Telti e Caragnani e sos 143 de Tàtari. «Est un’afrenta pro sos territòrios nostros e s’intelligèntzia de sos sardos». Pro custu sos de su coordinamentu ant propostu de no aprovare s’emendamentu.