"Non bido s'ora", sa cantzone noa de Adrià Mor

Est essida sa cantzone noa de Adrià Mor, primu sìngulu dae su discu imbeniente suo, De Sardenya a Califòrnia. Sa cantzone “Non bido s’ora” (in su videoclip (https://www.youtube.com/watch?v=nKbylPgEJC8) registradu in Califòrnia bi pigat parte s’atora sarda Franca Bulloni) est dedicadu a sa gente chi «bivet a tesu de Sardigna e non bidet s’ora de torrare». Pro sa cantzone b'at partetzipadu Elisa Carta. «Custu single – narat Adrià Mor – est sa prima cantzone fata pùblica de su discu De Sardenya a Califòrnia, traballu chi est istadu possìbile gràtzias a meda collaboratziones. A bandas de cussa giai mentovada de Elisa Carta, su discu tenet is boghes de Eleonora Peana (L’Alguer), Meritxell Gené (Lleida) e su Coro de Ùsini, in prus de is teclados de Antonio Leardi (Train to Roots) e is violinos de s’aligheresu Dario Pinna, intre àteros». E fintzas sas sonoridades collaborant: «De Sardenya a Califòrnia isperimentat puru cun is sonos de sa traditzione sarda, comente is launeddas de Gratzianu Montisci». S’anteprima de su discu podet èssere ascurtada dae su situ web de s’artista www.adriamusic.cat.