Naschet Repùblica - Indipendentistas pro sa Repùblica de Sardigna

«Sa Costituente Indipendentista at acabau su traballu cosa sua. Is ativistas indipendentistas e republicanos presentant “Repùblica”, sa domo de totu sos chi cherent traballai pro sa Sardigna de oe, pro cudda de cras e pro sa Repùblica de Sardigna. Est ora, aberu!». Pagas rias in sardu presentant sa formatzione polìtica noa chi, in prus de Repùblica, tenet iscritu in sa parte bassa de su situ web “Indipendentistas pro sa Repùblica de Sardigna”. E parte manna de s’acrònimu Irs oe fiat presente in Aristanis, in su batijare ufitziale de oe. Su documentu polìticu – in italianu – est in su situ matessi, cun paràulas de òrdine (non violèntzia, ecologismu, giustìtzia sotziale etc) chi fiant giai parte de su partidu de s’àrbore irraighinadu. In sos contos de sos de Repùblica si faeddat de 4 annos de iscurtu intre su protzessu Est Ora chi at postu fine a sa brias intre iRS e ProgRes e sa Costituente indipendentista de sos meses colados. Duncas b’at galu tempus pro cumprèndere si sa faina noa est unu re-branding o at a èssere una fortza noa. Immàgine pigada dae republicadesardigna.net