Sanidade e mèigos, sa rete sarda contra a sa proposta de Bertolazzi

In Sardigna non b’at mèigos? Sa proposta de s’assessore regionale nou Bertolazzi est de nde los batire dae continente pro chi si ispetzializent inoghe abarrende·bi nessi 4 o 5 annos. Totu in foras de bursa e in logos agiuntivos. Deretu sa risposta de sa Rete sarda in difesa de sa Sanidade pùblica chi narat de non bi nd’àere de fòrmulas màgicas si non si connoschent sa cunditziones de s’ìsula e de sa sanidade sua. «Sos mèigos in Sardigna non mancant – narat Claudia Zunchedu –, si nche fuint ca non sunt motivados nen pagados bene cunforma a s’Europa e a sas àteras regiones de Itàlia; si nche fuint dae su pùblicu a su privadu. E est movende dae sa figura de su mèigu si torrat a fraigare sa sanidade pùblica. Intro de su 2025 sunt 380 sos chi si nch’at a andare in pensione. Cuidadu bi cheret».