Daniela Falconi presidente noa de Anci Sardegna

Sìndiga de Fonne, 46 annos. Est Daniela Falconi sa presidente noa de s’Anci Sardegna. Unànime su sèberu de s’assemblea chi custu giru non s’est partzida e at disinnadu de punnare a unu nùmene ebbia.

Sa primu cosa chi at naradu sa neo-presidente pertocat deretu sa rechesta de addòbiu cun sa guvernadora regionale Alessandra Todde «ca sunt infinidas sas emergèntzias chi nois sìndigos afrontamus cada die chirchende pro cantu podimus de lis torrare risposta a sos tzitadinos. Ma no amus ebbia sas emergèntzias: dende borta a su paradigma, amus oportunidades de collire pro fraigare, in pare cun sas àteras istitutziones, cun sos assòtzios, cun sos sindacados, cun sos tzitadinos, polìticas noas. Sos Comunes non sunt sa parte terminale de sas istitutziones ma su comintzu».

m.p.