Il Pane e le Rose contra a s'Assl: «Cunvocade sa cummissione invalididades tziviles»

Faeddant de «interrutzione de unu servìtziu pùblicu fundamentale» sos de s’assòtziu Il Pane e le Rode odv in riferimentu a sas bìsitas de invalididade tzivile firmas oramai dae tempus meda. «Sas cummissiones mèigas de su Sulcis Igresienti no las cunvocant boghende a mìgias de persones sos diritos issoro». Pro custu est chi ant imbiadu una lìtera a sos sìndigos de su territòriu firmada dae àteros assòtzios: sa cooperativa sotziale Le Api, s' a.s.d. Il Girasole, s’assòtziu Albeschida, s’Ufìtziu pastorale sotziale e de su traballu de sa Diòtzesi de Igrèsias e sa consulta Handicap de su Comune de Carbònia cun in intro àteros assòtzios. «Est una birgòngia – narant – su cumportamentu de sa Diretzione de s'ASSL chi at permìtidu s’acùmulu de unu ritardu de duos annos in contu de atzertamentos. In ambos distretos de Carbònia e de Igrèsias s’ASSL devet galu cunvocare sos patzientes chi ant fatu rechesta in abrile de su 2022».

foto Sabeel Ahammed Pexels