Arte in Casteddu, s'8 su segundu apuntamentu de Nonsolourbana

Nonsolourbana: Arti Storie Luoghi est su tìtulu de su tziclu de addòbios dedicadu a s’arte urbana e a sas artes visuales. Sa faina est organizada in su tzentru comunale Exma dae Orientare in pare cun s’assòtziu Asteras. A pustis de s’abertura dedicada a su muralismu (cun sos artistas Angelo Liberati e Giampaolo Mameli), chenàbura s’8 de martzu a sas 17 at a tocare a Arti urbane: evoluzione e partecipazione, apuntamentu dedicadu a sas esperièntzias artìsticas de Pietrina Atzori (fiber artist de Santu Sparau, in sa foto) e de Marco Réa (illustradore romanu). Su de tres apuntamentos, Il gesto urbano: dal muro al corpo, est in programma pro su 15, semper a sas 17. Protagonistas sa street artist La Fille Bertha e su tatuadore Alessio Errante.