Su Psi a sos Progressistas: «Torrade a bachile!»

In antis fiat su de A Innatis pro sos indipendentistas de Soru. Como tocat a sos de l’Avanti. Un’apellu pro chi sos Progressistas bi meledent e torrent a su tzentru manca. Est su chi sos de su Psi ant indiritzadu a sa formatzione de Massimo Zedda e Francesco Agus. «Torrade a sa coalitzione, bi cheret sa presèntzia bostra pro b’aeremus un’iscuadra a tretu de si cunfrontare cun su tzentru dereta. Ais a agatare in su campu largu totu sos logos de agibilidade polìtica». S’apellu si summat a sas boghes chi diant chèrrere sos Progressistas a curtzu a un’acordu cun sa cumpàgine ghiada dae Alessandra Todde (e duncas cun M5S e Pd in primis).