Trasportu e amparu de sas bèstias

S’amparu de sas bèstias trasportende·las est unu tema chi est intrende in sas allegas de sos prepostos a su cumpartu veterinàriu. Pro custu est chi su 26 de custu mese, in Carbònia, in sa Sala Astarte de sa minera de Serbariu ant a fàghere unu cursu intituladu “La protezione degli animali durante il trasporto” pro 50 partetzipantes intre veterinàrios, tècnicos de sa preventzione, amministrativos e agentes de seguresa pùblica. Sa punna est sa de frunire un’agiornamentu teòricu pràticu a sos professionistas de su setore. In su situ de sa Asl de su Sulcis calendàriu e modulìstica.