Renzi pro sas regionales: «Amus a seberare cun chie istare»

Nuscu de regionales. Matteo Renzi (in sa foto) falat a Casteddu e sa presèntzia bipartisan de esponentes de ambos duos sos ischieramentos nos diat pòdere fàghere cumprèndere cosa meda. Ma issu no at galu seberadu. «Pro sas regionales l’amus a fàghere cunforma a su mègius programma e a su contributu chi diamus pòdere dare. No l’amus a nàrrere como ma sos meses imbenientes e amus a èssere detzisivos pro una vitòria de unu guvernadore chi gastet su dinare chi oto annos a como su guvernu meu at dadu a custa Regione». Su partidu suo, Italia Viva, a su presente est parte de sa Giunta Solinas cun s’assessora Pili.