Giornalismu indipendente, dibata su 30 in Casteddu

Giornalismu indipendente. A bisu de s’assòtziu Laras chi organizat s'eventu, «a nde faeddare in su 2023 cheret nàrrere a àere su coràgiu de nche barigare sas lògicas e sos sistemas de poderiu chi guvernant s’informatzione contemporànea. Ma, mescamente, cheret nàrrere a meledare movende dae comente, is ùrtimos deghènnios, ant contadu is acontèssidas polìticas, sotziales e culturales de s’Ìsula nostra».

Si nd’at a faeddare in pare cun sa presentatzione de su libru “Sa Republica Sarda - Storie e Controstorie del Giornalismo Identitario Sardo” (imprentadu dae Alfa Editrice). Sàbadu su 30, a sas 10 in su Lazzaretto nd’ant a faeddare Maria Marongiu, diretora responsàbile de Sa Republica e Alfa Editrice, su regista Giovanni Columbu, su giornalista Mauro Pili e su polìticu Bobo Craxi. At a moderare s’allega su giornalista Massimo Moi.

m.p.