Is "Diis de sa lìngua e de sa poesia sarda" su 23 e su 24 in Santuidu

Su 23 e su 24 de custu mese s’amministratzione comunale de Santuidu e s’Aps Limen Sarrabus Gerrei organizant is “Diis de sa lìngua e de sa poesia sarda” ammentende a tziu Antoni Cuccu a 102 annos dae sa nàschida sua.

Tziu Cuccu est connotu in totu sa Sardigna pro su traballu editoriale suo imprentende e ispainende poesia sarda pro mèdiu de libreddos populares. Sos apuntamentos comintzant su 23 a sas 9 de sero cun Piersandro Pillonca, Lussorio Cambiganu e Anna Cristina Serra chi ant a faeddare de sa faina sua. A sighire sa gara cun sos improvisadores Bruno Agus, Diego e Giuseppe Porcu cun su tenore de Santu Lussurzu. Sa die a pustis, a sas 6.30 de merie sa presentada de su libru “Figli di Sardegna” de Stefania Cuccu.

m.p.