Ispagna: su Psoe dipendet dae sos indipendentistas
Istadu ispagnolu su die a pustis. Sa vitòria de su Pp, sa resistèntzia de su Psoe, sa bona proa de Sumas, sa derrota de Vox e unos cantos iscrannos indipendentistas (bascos, catalanos, galitzianos) mustrant un’iscenàriu cun duas optziones. O chi b’apat unu guvernu de manca sustènnidu dae sos indipendentistas, o chi si torret a votare. Custos sos iscrannos otènnidos in intro de unu cungressu de 350 cadreas (majoria assoluta de 176).
Blocu de dereta (169)
- + Partido Polular 136 (89 chi nde teniat) - 33,05%
- - Vox 33 (fiat a 52) – 12,39%
Blocu de manca (153)
- + Partido socialista obrero de España 122 (120 chi nde teniat) – 31,70%
- + Sumar 31 (Unidos Podemos fiat a 26) – 12,31
Blocu indipendentistas (26)
- - Esquerra republicana de Catalunya 7 (13 su 2019) 1,89%
- - Junts per Catalunya 7 (8) 1,60%
- + Euskal Herria Bildu 6 (5) 1,36%
- - Euzko Alderdi Jeltzalea Pnv 5 (6) 1,13%
- = Bloque nacionalista galego 1 (1) 0,62%
No at a èssere fàtzile a b’aerent unu guvernu de manca cun su sustegnu de sos indipendentistas. Bildu (s’ùnicu partidu chi creschet de custos) at giai naradu chi emmo, ma sos de Puigdemont diant chèrrere garantzias pro su referendum. Pedro Sánchez at a fàghere che a David Cameron?
M.P.