In Portu Turre s'Ollahround festival

Torrat in Portu Turre su Festival Ollahround. A pustis de s’editzione pilota de su 2022 in Tàtari, sa rassigna l’ant a fàghere ocannu in tretos de sa praja de Balai, sàbadu 17 e domìniga 18. Duas, duncas, sas dies de cultura, màndigos, pinturas, ispàssiu promòvidas dae s’assòtziu omònimu nàschidu intre amigos e cun sa «netzessidade manna de aprontare unu festival inclusivu». Intre sos protagonistas de Ollahround b’est su poeta hip hop Frankie Hi Nrg.