Brotzu, FdI contra a Solinas e Doria

Sa noa l’at in pessu dada l’Unione sarda annuntziende unu capìtulu nou de sa chistione ospidales. Fratelli d’Italia, su partidu de su sìndigu Truzzu chi est galu isetende su dinare regionale pro s’istàdiu nou, est contra a s’idea de nch’ispèrdere sos traballos pro sa “piastra” a costàgiu de su San Michele de s’azienda Brotzu. Sa senadora Antonella Zedda at naradu de èssere cuntenta, comente tzitadina, «chi si penset a ospidaels noos e modernos». Annanghende, però, «comente polìtica, chi sa cosa cheret fata torrende a calificare e modernizende sos chi bi sunt giai». Cras aprofundimentos.