Ballotàgiu Assèmini, Puddu torra a caddu

A Mario Puddu (chi no est su de sa limba de mesania) nche l’ant torra sètzidu a pustis de su segundu turnu de sas eletziones comunales de Assèmini. S’ex pentisteddadu at bìnchidu cun 4.284 preferèntzias (+388 cunforma a su primu turnu) pigadas dae sa coalitzione sua tzentrista. Diego Corrias (coalitzione chi moviat dae Pd e M5S) aiat 3.211 votos duas domìnigas a como ma nd’at buscadu petzi 126 in prus. Prus de 6 puntos pertzentuale sa fòrfighe intre sos duos. Sa coalitzione de tzentru dereta Fdi, Fi e Lega fiat a banda.