Sos giornales de oe #27

Bene torrados a sa rassigna de Il Minuto cun sos sos giornale oe torra in edìcola. De crònaca e de aeroportos torramus a lèghere. Ma s’ogru nch’est rutu in duos pàrreres.

Su primu est su de s’Unione chi, mirende a sas abbas e a su nie (in sos prus cùcuros artos) de custas primas die de maju nos narat. «Ma a l’ischides chi cada annu in sa Terra bi falat sa matessi cantidade de abba? No unu gùtziu in mancu, no unu in prus. Su problema est chi b’at logos chi bi nde falat in mancu e àteros chi bi nde falat prus chi non meda. Diat bastare a nche la giùghere pro mèdiu de conduturas dae ue bundat a ue non bi nd’at. Comente faghent cun su petròliu. E tando, bos ais a pregontare, a ite no lu faghent? Ca su petròliu serbit pro fàghere funtzionare s’economia de su mundu otzidentale, s’abba diat serbire in Àfrica».

Como, est unu pàrrere lestru. Custu cheret nàrrere chi est fartosu ca su petròliu serbit fintzas in Ìndia e Tzina, paisos orientales e sos prus populados de su mundu, e chi s’abba serbit puru inoghe, e chi cun sa crèschida de sos livellos marinos diamus àere abba in abbundàntzia pro mèdiu de dissaladores...ma, nos amus a pregontare, si inoghe nche naschet pagu gente, si inoghe nde serbit e dae aterue si nche fuit, ite est, abba bruta?

Su segundu pàrrere est in sa Nuova in contu de armocromia, de sos bestires de Elly Schlein e de sos mecanismos mediàticos chi sèberant una chistione ebbia intre sas àteras e nemmancu sa prus de importu. Chie isterret su pàrrere serrat faeddende de s’errore comunicativu de sa segretària de su Pd chi nche cheret giùghere su partidu suo a ue «sa gente comune» e posca «s’afidat a una rivista esclusiva» comente Vogue. Semper e cando, serrat su pàrrere, «est un’autogol chi nos nd’amus a ismentigare chitzo». E como mi so ammentende chi non nde fìamus giai ismentigados.

Ca oe sos giornale faeddadant de àteru. Pro nàrrere, de Elly Schlein in prima pàgina nde faeddat La Verità narende chi cheret «galu!» tassare sas rènditas. E de errores comunicativos de sos sindacados chi aprontant unu “concertone” finantziadu dae Eni (chi non faghet conduturas de abba) e JustEat non nde faeddat nemos. In su mentres Giorgia Meloni sonat sa campanedda guvernativa cun unu Consìgiu de sos ministros sa prima die de maju e, a boghe bàscia, colat s’idea chi cussa est die chi devimus traballare. Comunicatzione a 90 grados. Nois