Presentada s’editzione 2023 de su Time in Jazz

L’ant postu “Futura” a nùmene, e l’ant presentada custu mangianu in Belchidda sa de 36 editziones de su Time in Jazz. Presente su menre de domo, musitzista nòdidu e diretore artìsticu de su festival Paolo Fresu, chi at contadu sa nàschida e sos isvilupos de custa esperièntzia. Su programma de ocannu movet dae s’8 de austu (finas a su 16) e, in prus de sa bidda de su vermentinu e de Pedru Casu, at a interessare àteras 15 biddas de su nord Sardigna: Alzachéna, Bànari, Bultiggjata, Buddusò, Buduni, Cherèmule, Lòiri, Locusantu, Mores, Òschiri, Porto Rotondo, Puntaldia, Santu Diadoru, Tèmpiu e Tula. Intre sos protagonistas antitzipados oe Tullio De Piscopo, Malika Ayane, Eivind Aarset, Guano Padano, Farafina, Dhafer Youssef, Roberto Ottaviano, Gianni Cazzola, Savana Funk con Willie Peyote, Colle der Fomento con Kaos & Dj Craim e La Batteria.

m.p.