Oe sa die mundiale de su libru

Oe est sa die mundiale de su libru e de su diritu de autore. Sa ricurrèntzia naschet su 1996 pro more de s’Unesco e cun sa punna de promòvere sa letura e sa publicatzione de libros. Ant seberadu custa data ca in custa die, su 1616, si nche morgeint tres pinnas de primore de sa literadura mundiale: Miguel de Cervantes, William Shakespeare e Garciloso de la Vega.

Narant dae s’Unesco chi «su libru e sa letura rapresentant unu mèdiu de aprofundimentu e de connoschèntzia e un’istrumentu de informatzione e de annestru culturale, ambas cosas indispensàbiles pro nche colare sas dudas e sa precariedade ligadas a sa timòria de sa globalizatzione, de su cambiamentu, de sa diversidade».

m.p.

Immàgine leada dae inoghe