Cospito torrat a mandigare

Ses meses de geunu, ses meses de cumbata cun sa carena sua ebbia. Alfredo Cospito, chi parte manna de custa batalla l’at fata in sa galera de Bancali, at naradu chi sessat s’isciòperu suo e chi torrat a mandigare. Su disinnu a pustis de su chi ant naradu sos de sa Consulta chi at fatu rùere sa norma chi vinculaiat sa Corte de Assise de apellu de Torinu a li dare s’ergàstolu. Duncas, si sos giùighes l’ant a disinnare, ant a pòdere dare una pena prus lèbia pro s’atentadu a s’Iscola de sos dischentes carabineris de Fossano. A bìdere istemus comente s’at a evòlvere sa cosa in sesi e in contu de 41 bis.

m.p.