Etnomusicologia in su Cunservatòriu de Casteddu

B’at tempus finas a su 15 de abrile pro presentare sas dimandas de ammissione a sos cursos acadèmicos de mùsicas traditzionales de su Cunservatòriu “ Giovanni Pierluigi da Palestrina” de Casteddu.

S’indiritzu etnomusicològicu previdet unu cursu propedèuticu, unu triènniu acadèmicu de primu livellu e unu biènniu de segundu livellu. Sa punna est sa de formare professionistas de sa mùsica cun cumpetèntzias istrumentales, teòricu-musicales e etnomusicològicas a tretu de operare comente istrumentista, cantore, operadore culturale in servìtziu de sa comunidade, organizadore de eventos e, mescamente, meistru de mùsica peri sas iscolas.

In prus de sos printzìpios e de sos mètodos de s’etnomusicologia s’ant a pòdere istudiare istrumentos che a sas launeddas e a su sonete, gasi etotu sa pràtica de su càntigu monòdicu e cun prus boghes.

M.P.