Su Pd sardu conca a sas primàrias. Sa geografia interna

Sas dies coladas ant presentadu sas duas listas de sos candidados a s’assemblea regionale de su Pd. Chentutrinta sas cadreas de s’organismu de su partidu gasi partzidas: 44 pro su cullègiu de Tàtari, 27 pro Tàtari, 12 pro Aristanis e Nùgoro, 10 pro su Sulcis, 8 pro su Campidanu de mesu e 4 pro s’Ogiastra. Duos sos candidados disafiende·si pro sa càrriga màssima de su partidu in Sardigna: su “riformista” Giuseppe Meloni e, prus a manca Piero Comandini. Cun su primu b’agatamus su parlamentare Silvio Lai cando chi sa sorrasta Dolores, giai assessora comunale in Tàtari, est cun su segundu. Cun Meloni finamentas sos ex parlamentares Andrea Frailis e Romina Mura, su presidente de s’Anci Emiliano Deiana, su “populare” Federico Porcu in antis propostu a segretàriu, su cussigeri regionale Valter Piscedda e s’ex cussigera Anna maria Busia. Cun Comandini sa cussigera de paridade de sa Provìntzia aristanesa Maria Obinu e su segretàriu provintziale casteddaju Francesco Lilliu.

M.P.