Sanidade penitentziària, un'addòbiu su 25 in Aristanis

Sa Càmera penale de Aristanis, s’Òrdine de sos abogados de sa matessi provìntzia e s’assòtziu Socialismo, diritti, riforme, organizant pro sàbadu, su 25 de freàrgiu a a sas 9.30 de mangianu in sa sala Ascomfidi de su cabu de logu arburense, un'addòbiu in contu de “Sanità penitenziària, stato dell’arte e prospettive”. A pustis de sos saludos de Rosaria Manconi, presidente aristanesa de sa Càmera penale, ant a intervènnere s’assessore regionale de sa Salude Carlo Doria, su diretore sanitàriu de sa residèntzia pro s’esecutzione de sas medidas de seguresa Riccardo Curreli, su diretore de sa domo tzircundariale de Casteddu e de Lanusè (e de sa domo de reclusione de Ìsili) Matteo Porcu, su responsàbile mèigu de sa domo tzircundariale de Casteddu e de s’istitutu penale pro pitzinnos Luciano Fei, s’esperta de informàtica sanitària Donatella Gallistru e sa garante in Sardigna de sas persones privadas de sa libertade issoro Irene Testa. At a coordinare Maria Grazia Caligaris, giai cussigera regionale e referente pro sas presones de s’assòtziu organizadore.

M.P.