Reconnoschimentu regionale de museos e regortas. Aviada sa protzedura

Sa diretzione generale de sos Benes culturales at aviadu sa protzedura de reconnoschimentu regionale de sos museos e de sas regortas museales de Sardigna pro s’annualidade 2023 pro chi b’apat inserimentu in s’Albu regionale de sos istitutos e de sos logos de sa cultura e, finamentas, in su Sistema museale natzionale.

Sa punna decrarada est sa de consolidare su printzìpiu de sa calidade, gasi etotu sa de ratzionalizare su cumpartu promovende su sistema museale sardu. Sa rechesta la podent fàghere sos museos e sas regortas museales regionales, de sos entes locales (finas cunsortziados), de sas fundatziones e de sos assòtzios cun sos entes locales in intro. La podent fàghere fintzas sos museos e sas regortas de interessu locale cun titularidade de entes pùblicos no istatales, de entes eclesiàsticos e de sugetos privados.

Sos interessados cun rechisitos mìnimos in intro de su 31 de nadale de su 2022 ant a pòdere fàghere rechesta de ammissione a sa protzedura dae oe finas a su 20 de martzu. Info a minudu inoghe in sa pàgina regionale chi nde dat annùntziu.

M.P.

Fotografia leada dae Istituto Etnografico della Sardegna