Asl de Nùgoro, novidades pro sos vatzinos anti Covid

Duas sas novidades annuntziadas dae s’Asl de Nùgoro in contu de vatzinos anti Covid in sos distretos suos. Sa prima pertocat sos apuntamentos a dae chi non b’at prus bisòngiu de si prenotare pro mèdiu de su sistema Poste: dae como in susu at a èssere bastante a si presentare in s’ambulatòriu inditadu petzi cun tessera sanitària. Sa segunda, movende dae cras, pertocat sas dies e sos oràrios de somministratzione cunforma a s’ischema inditadu.

Distretu de Nùgoro (Poliambulatòriu de carrera de Manzoni 38): martis e gioja dae sas 15 a sas 17.30; Distretu de Thiniscole (Poliambulatòriu de carrera de Isalle): lunis dae sas 8.30 a mesudie; Distretu de Macumere (Poliambulatòriu de Nuraghe Ruju): gioja e chenàbura dae sas 9 a mesudie; Distretu de Sòrgono (Servìtziu Igiene e sanidade pùblica de carrera de Tirsu): mercuris dae sas 9 a sas 13.

M.P.