Marcu DOP e IGP: 44milla euros a sa Sardigna

In sa Mesa - Una bella nova pro su marcu DOP e IGP: sa Sardigna batit a domo 44milla euros de resursas (fundu pèrdidu). Su dinare at s'iscopu de megiorare s'oferta de sos produtos agrualimentares cun marcu DOP e IGP e sa de sos produtos traditzionales PAT in su mundu de sa ristoratzione e in su mundu de sos agriturismos.

S'interventu lompet dae su "Ministero delle Politiche Agricole" e at s'obietivu de favorèssere sa transitzione ecologica in su mundu de sa ristoratzione. Su cuntestu est su de su "Fondo per la valorizzazione dei prodotti agroalimentari tradizionali e ce rtificati",.

Ma faghimus unu passu in dae segus cun sa punna de cumprèndere de prus: a cada Regione est istada assignada una cuota unu tanti in chentu de su "Fondo per la valorizzazione dei prodotti agroalimentari tradizionali e certificati" in proportzione a sa media regionale otenta tra su perchentu de sas denominatziones protègidas (DOP e IGP) e su perchentu de sos PAT (acrònimu de "prodotti agroalimentari tradizionali") a cunforma a su totale de sos produtos chi s'agatant in totu su territòriu italianu. In custu totale sa Sardigna at otentu su 4,41% de su millione de èuro disponìbile . At otentu custu perchentu pro ite at su 4,74 de sos produtos DOP e de sos produtos IGP, est a nàrrere 6 produtos in totu: sos tres produtos "Fiore sardo DOP", "Pecorino Romano DOP" e "Pecorino sardo DOP"; su "zafferano di Sardegna DOP", s'"olio extravergine di oliva della Sardegna DOP", su "carciofo spinoso di Sardegna DOP", s'"agnello di Sardegna IGP" e sos "culurgiones d'Ogliastra IGP". In prus at su 4,07 de sos produtos PAT, duncas 222 produtos in totu.

Cun custos nùmeros s'ìsula s'agatat a metade de sa classìfica italiana: est a su deghe postos pro su nùmeru de sos produtos DOP e de sos produtos IGP e a su de dòighi postos pro sos produtos PAT, mentras in sa classìfica totale est a su de ùndighi postos.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22