Su Comunu de Alessandria dedicat una pratza a Grazia Deledda
Sa proposta benit de su tzirculu sardu “Su Nuraghe”
A 150 annus de sa nàscida cosa sua, su Piemonti onorat s'iscritora sarda Grazia Deledda; ddu faint dedichendiddi una pratza in sa tzitadi de Alessandria.
Sa proposta, aghillia a s'unanimidadi, benit de su tzirculu sardu “Su Nuraghe” e est istètia presentada de su Presidenti de su Consillu Comunali Emanuele Locci.
Est aici ca su nòmini de Grazia Deledda intrat in sa toponomastica de sa tzitadi piemontesa.
“Ndi seus prexaus meda. – at comentau su Presidenti de su tzirculu Su Nuraghe Sebastiano Tettei – Sa comunidadi sarda intrea at aghilliu sa delibera cun cuntentesa manna […]. Sa pratza iscerada – sighit – s'agatat acanta de sa domu de su tzirculu”.
© RIPRODUZIONE RISERVATA