GattArancio: una passione chi faghet nàschere birras de calidade manna

* Dae sa terra a sa butìllia * - Presente in Casteddu dae su 2015, su birrifìtziu GattArancio si mustrat a su pùblicu comente unu bellu brewpub chi acostàgiat a unu menu licanzu a una proposta brassìcola vària e importante. Intre sas birras s'annoditzant sas chi sunt produidas in “domo”.

Custu tzilleri birràiu, nàschidu gràtzias a sa collaboratzione de Alessio Frau, un'ex homebrewer cun esperièntzia manna, e Damiano Oghittu, su meri de unu pub casteddaiu istòricu, su “Merlo Parlante”, at una sala cotura de 500 litros, chi faghet nàschere unu nùmeru mannu de etichetas tra birras a incubonadura bassa e birras a incubonadura arta.

Totu su traballu de GattArancio mustrat s'amore mannu pro sos repertòrios traditzionales, a incumentzare dae s'istile tedescu. Semper e cando, non fartant mancu influèntzias inglesas e belgas. Onni produtu frutu de su traballu de custa realidade brassìcola si reconnoschet pro àere un'istandard importante chi li permitit de s'istesiare dae su mundu de sas birras cummertziales.

Pro creare sas bèvidas GattArancio su mere de su birrifìtziu si faghet agiuare dae unu mastru birràiu chi at esperiètzia manna in s'isseberu e in sa trasformatzione de sas matèrias primàrgias. Gosi si faghet una birra màstrina de primore, crua, chi non la torrant a incubonare e chi no est sutaposta a perunu protzessu de pastorizatzione e de coladura.

Sa fortza de custu progetu est sa possibilidade de tastare sas birras in su matessi logu in ue sunt produidas. Duncas, su cliente podet assìstere a su protzessu de produtzione de sas bèvidas e bìdere sos machinàrios impreados pro sa creatzione de sa birra màstrina.

Abba, maltu de orgiu, lupùlu, madrighes e totus sas màterias primàrgias impreadas dae GattArancio sunt matèrias sincheras. Su resurtu de s'impreu de custos elementos sunt etichetas bonas meda a las bufare, bèvidas famadas e sena conservantes.

In die de oe, sa birra GattArancio si creat comente in su tempus coladu si creànt sas birras, cun in prus s'impreu de sa tecnologia de istrumentos e machinàrios innovativos. Sas etichetas produidas ant su marcu de “Birra artigianale Cagliari”. Sunt bèvidas chi cun su sabore issoro sunt capassas de donare emotziones ùnicas a su paladu e ant peri sa capatzidade de avalorare sos màndigos chi las acumpàngiant.

No est totu. Difatis, bisòngiat a nàrrere puru ca unus cantos nùmenes de sas bèvidas produidas dae su birrifìtziu GattArancio sunt leados dae sa limba sarda e dae sas traditziones de sa Sardigna etotu. Naschent gosi sas birras "Coga", "Bruxia", sa "Mama 'e su Soli" e sa "Mommoti". Totus bèvidas bonas chi tocat a las tastare.