In Casteddu "Marina Estate", sa rassigna de teatru po pipius

De su 26 a su 29 de su mesi de austu 2020, aintru de is ispàtzius a foras de su teatru Sant'Eulalia in Casteddu at essi presentada sa de duas editziones de “Marina Estate”, una rassigna de teatru po pipius chi est aprontada de su “Theandric Teatro Nonviolento”.

Ant essi otu in totu is atòbius dedicaus a is piticus, duus po dògnia merì.

Si cumentzat su 26 de austu a is ses de merì cun “Filastrocche in cielo in terra e in mare” de is tataresus “La Botte e il Cilindro”. A sighiri, a is otu at essi su “Theandric Teatro Nonviolento” etotu a presentai “La storia di Azur e Asmar”.

Su 27 at a tocai a su “Teatro Tragodia” cun “Baracca e burattori con Cenerentola” e a su “Theandric Teatro Nonviolento” cun “La città di Smeraldo”.

Sàbudu 28 de austu “Il Crogiuolo” at a presentai “La Valle dei Mulini”, mentres a is “Figli d'arte Medas” at a tocai sa parti de “Il piccolo principe”.

A serrai sa rassigna, su 29 de su mesi de austu, ant essi “S'Arza Teatro” cun “La principessa della nuvola e il guardiano del lago” e cun “Bob mille baci”.