Birras Le Springo: onni tzicu un'ispantu

* Dae sa terra a sa butìllia * - Respundet a su nùmene de Le Springo e est unu birrifìtziu casteddaju màstrinu. Nàschida in su 2006, custa realidade produtiva brassìcola faghet feti birra de calidade.

Frutu de sa passione de Gabriele Spingola, su birrifìtziu ponet sa firma sua a unas cantas etichetas de interessu mannu. Onni birra Le Springo, difatis, est sa cumpridura de un'ispiratzione diferente.

Le Springo giughet una proposta rica, cun referèntzias britànnicas e americanas e cun sa punna de connòschere su mundu de sas incobunaduras àtzidas e pro su prus de sas birras innovativas.

De onni manera, s'istile prus istimadu dae su mastru birràiu, su chi massimamente ghiat sa produtzione Le Springo est s'americanu, in sos gèneres Pale Ale luppolados meda, est a nàrrere in sos tipos Stout e Sour.

S'ànima de totu sa produtzione birràia de custu birrifìtziu est sa chirca fitiana de su primore. No est pro nudda ca onni bufada si cunfirmat una licania chi non la si podet descrìere a paràulas.

Sas bèvidas a firma Le Springo sunt birras sardas chi non iscuntentant mai. Retzetas sèmplitzes, creadas cun incuru pro pònnere a notu sa calidade manna de maltos e lùpulos. Su resurtu sunt etichetas praghiles chi acuntentat su paladu.

Naschent gosi chimbe ampuddas: “Springolandia”, “L'Aura”, “S.p.a.rello”, “Zazi” e “60914”. Birras chi interpretant istiles diversos in manera originale e semper interessante. Onni tzicu, difatis, est semper un'iscoberta.

Tocat a nàrrere puru ca su mundu de Le Springo est una realidade chi spantat aberu. In prus de sa creatzione de birras primorosas, in su 2018 s'azienda at dadu vida a un'àteru bisu. Est su progetu Beer Bike, una faina sèmplitze e eficatze: una bitzicleta de càrrigu cun marcu Le Springo est istada frunida de un'ispilladore e acumpangiada de unu gestore chi in su caminu contat s'essèntzia de onni birra produida dae custu birrifìtziu de Casteddu.