Tenute Smeralda: binos chi costoint su sole e sos nuscos de Sardigna

* Dae sa terra a sa butìllia * - Sas “Tenute Smeralda” sunt su marcu impreadu in su mercadu dae s'”Azienda agricola Cocco Francesca”, una realidade ativa in sa coltivatzione de sa bide de pagu prus o mancu de mesu sèculu.

S'azienda s'agatat in su cabu de giosso de Sardigna. Pro èssere pretzisos tocat a nàrrere ca at s'atividade sua est in Donori, bidda de su Patiolla. Est gràtzias a su microclima de custu logu ca sas bides de sas “Tenute Smeralda” godint de cunditziones favoràbiles a sa coltivatzione de bides autòctonas comente su Vermentinu e su Cannonau.

Sas bìngias “Tenute Smeralda” sunt coltivadas in cùcurus basados dae su sole. Impare a sas tènnicas traditzionales de coltivatzione, sa natura renalza e luzanosa de sos terrinos afiantzant sa produtzione de àghina de calidade. Sunt bides chi sunt traballadas cun sabièntzia e custu permitit de otènnere binos adatos a s'imbetzamentu. Sas matas, difatis, sunt traballadas a manera esclusiva a manu. Custu isseberu permitit a sos bingiateris de sa cantina de afianzare su controllu de onni fundale e sa ridutzione de sas maladias.

Onni binu est su resurtu puru de una binnenna fata cun sa màssima atentzione.

A tempus de oe sa superfìtzie coltivada a bide est de pagu prus o mancu de ses ètaros. Pro garantire bèvidas mastrinas primorosas su nùmeru de ampuddas produidas est mantènia bassa: si faeddat de pagu prus o mancu de 40/50000 ampuddas a s'annu.

Semper e cando, sa produtzione de sas “Tenute Smeralda” est presente puru in sos mercados de logos istràngios, comente sos de Inghilterra, de Isvitzera, de Usa e de Belgiu. In prus s'azienda at giai otentu reconnoschimentos internatzionales.

Sa cantina, istruturada cun impiantos e atretzaduras modernas, at sa domo sua in mesu de sas bìngias de s'azienda, in ue s'agatat puru unu zona impreada pro s'acatu e pro sos atastos.

Sas “Tenute Smeralda” proponent duas sèries produtivas: sa "Tradizionale" e sa "Prestige". In sa sèrie “Tradizionale” ddoe sunt su Terramea e su D'Onore, unu Vermentinu e unu Cannonau de Sardigna. In sa sèrie "Prestige" ddoe sunt su Vermentinu "Smeralda" e su "Rubinus", unu IGT "Isola dei Nuraghi" chi pasat in barriques.

Dae unos cantos meses custas ampuddas ant irmanniadu sa famìlia issoro cun una new entry: su binu Sapienti, una bèvida interessante produida cun àghina autòctona e àghina internatzionale. Onni sìngulu budrone est isseberau e regoglidu a manu. Sapienti est unu binu fatu cun tènnicas mastrinas chi non previdint coladura, gosi si nde costoit s'istrutura e sos nuscos.

Totus sas etichetas de sas “Tenute Smeralda” naschent dae su rispetu de sa natura. Est gosi ca onni tassa de binu donat a chie la bufat nuscos e sabores chi non si podent descriere a paràulas.