Coronavirus: su Comunu de Casteddu ativat unu nùmeru de telefonu po antzianus e tzitadinus isentus

S'Assessorau de is Polìticas Sotzialis de su Comunu de Casteddu, impari a S'Assòtziu “Mondo X”, at ativau su nùmeru de telefonu 0705929250. Su nùmeru, ativu de su 12 de martzu passau fintzas a s'11 de arbili, tenit sa punna de ascurtai a is antzianus, a is isentus e a is imbelus. S'idea est sa de ddus agiudai a cumbàtiri is discumbènius fitianus acapiaus a su perìodu de s'apretu coronavirus.

Dògnia diri, de su lunis a su domìnigu, de is 8.00 fintzas a is 20.00 si podit telefonai a su nùmeru inditau. Su serbìtziu at a afiantzai s'intregu, a chini ndi fait pregunta, de meixinas de de cosa de papai.