Tèmpiu Pausania. Davide Cioncia, fòtografu nuvìzziu timpiesu telzu classificatu a Lanusè

(IlMinuto) - Casteddu, 2 magghju - La chita passata v'è stata la primiazioni pa lu Siminariu Fotògraficu ulganizzatu da la Diòzesi di Lanusè, "Paèsagghji a régula d'alti". Lu Siminariu ha vistu dui ciurrati di fulmazioni illu capulocu oddastrinu e un cuncursu a la fini undi li palcippanti ani prisintatu una chèrrita di scatti.

Cu li sei fòtografi soi, telzu lu ciòanu timpiesu Davide Cioncia sighi maritu e mudderi Sanna-Mura di Barumini, sigundi, e Carlo Rivani di Quartu Sant'Alèni, lu 'incidori. Pa chist'alticulu s'è sciuarata lu scattu più sintutu da l'autóri timpiesu chi vennari, la dì 8 di magghju, sarà puru in Agghju, pa prisintà una divessa chèrrita fòtografica - "La 'igna come passioni" - à "Assagghjendi lu 'inu", arriatu a la IV edizioni.Davide è fra li fundadori e vicipresidenti di l'Assozziu fotògraficu "La Saldigna 'ista d'accultu" chi in pocu più di un annu di 'ita ha pinsatu e ulganizzatu dui edìzioni di Mostra Fotografica Collettiva illa citài di Tèmpiu, la primma in Làmpata e la sigunda a Natali passatu. L'assozziu - chi abà com' abà conta una trintina d'assuziati - sighi a rinfulzassi, pripparendi pa lu tempu chi veni divessi prugghjetti chi smannarani, middurendilu in galitai, lu trabaddu di 'La Saldigna 'ista d'accultu'. "La primmu bisognu a ca de pruvvidè un viagghjadori chi palti pa una tarra scunnisciuta è cilcà li so carreri di comunicazioni, chi so puru lu chi subitu agàtta candu v'attracca. Attracchi, in chistu casu, felmi e chena scambi, undi cumandani la mancanzia di l'omu e li signi di lu tempu".

L.P.