In Casteddu "Casteddu de...Binu" Istòria, Arti i Enogastronomia
Image
(IlMinuto) - Casteddu, 25 de su mesi de fiàrgiu - "Casteddu de...Binu" Istòria, Arti i Enogastronomia". Est custu s'avenimentu aprontau po cenàbara 28 de su mesi de fiàrgiu a cumentzai de is 20.35 de s'assòtziu Eureka Enterprise. Unu giru a su noti ghiau aintru de is baluardus de su Casteddu Santu Miali e a is 136 òperas gràficas de Salvador Dalì cun atastus de is binus prus bellus de s'ìsula e de unu sceberu de prodotus tìpicus sardus. S'avenimentu - si ligit in d-una nota de imprenta - "est po totus is amantis de su binu bellu, de is traditzionis e de sa cultura". "Casteddu de...Binu", difatis, at essi fatu comenti unu caminu "itinerante" in su Casteddu e at a donai a s'aproviau sa possibilidadi de apressiai e atastai binus de is cantinas de s'ìsula e prodotus tipicus de Sardigna. Unu caminu, su aprontau de s'assòtziu Eureka Enterprise, chi at a donai sa possibilidadi de conòsciri sa Casteddu istòrica e s'enogastronimia de s'ìsula. Po pigai parti a s'avenimentu tocat a impromiti a su nùmeru 3470003988 no prus a tradu de is 13.00 de cenàbara 28 de su mesi de fiàrgiu.
© RIPRODUZIONE RISERVATA