In su Spàtziu Akràtos de Casteddu Arrèxini presenta arrexini.info

(IlMinuto) - Casteddu, 11 de su mesi de totussantus - "Sa democràtzia est su poderi de unu pòpulu informau", naràt Alexis de Tocqueville in Sa democràtzia in America. Informai est s'obietivu de su team de Arrèxini Sdr, chi su 15 de su mesi de totussantus chi benit, a cumentzai de is 18.30, in su Spàtziu Akràtos de arruga Napoli 62, bixinau Sa Costa de Casteddu, at a presentai arrexini.info, su giassu de informatzioni de is territòrius in moimentu. Tema de su merì: su còmpitu de sa comunicatzioni e de is raportus suus cun su territòriu. At a sighiri unu bustu lìberu in cumoangia de Alex-P, su Dotori e Trasloco dj set.