Eugene Onegin fait cumentzai s'istagioni de s'òpera a su tzìnema

(IlMinuto) – Casteddu, 8 de su mesi de ladàminis - At a benni inaugurau oi a is 19.30 cun s'"Eugene Onegin" de Pyotr Ilyich Tchaikovsky s'Istagioni Live 2013/2014 de "Microcinema". Sabas sardas trisinadas: "Tàtari Moderna" in arruga Umbertu, 1 in sa primu tzitadi de sa Sardigna de Tramuntana e "Tortolì Garibaldi" in cursu Umbertu 43 in Tortolì. In direta, atressu de satellitis e in "in alta definizione" de su The Metropolitan Opera de New York s'òpera prus annoxada de sa traditzioni russa chi gràtzias a "Microcinema" lompit in 90 sabas. Su progetu, assuriu, chi "Microcinema" mandat ainnantis de su 2006 cun fortuna, tenit s'iscopu de fai acostai su pùblicu a s'òpera Lìrica, agiudendi a su spaniamentu de su patrimòniu de sa traditzioni lìrica itàliana e internatzionali. Su primu atopu, torrat a fai, in tres atus, s'istòria de Eugene, un giòvanu "dandy" chi arrefudat s'amori de Tatjana. S'òpera, pigada de su romanzu de Aleksandr Sergeevic Puskinchi chi tenit su mantessi nòmini de sa rapresentatzioni, est s'ànalisi delicada  de sa passioni de una giovunedda innamorada de su fridu Onegin, chi si nd'at agatai de d'amai candu dda iat pérdia giai po sèmpiri.