In Santu Antiogu "Caminus di Autori" rassegna internatzionali "cortometraggio"

(IlMinuto) – Casteddu, 6 de su mesi de paschixèdda - "Cortometraggi" chi lompint de Marocu, Algeria, Tunisia, Libano, Israele, Palestina, Grecia, Kosovo, Bosnia-Erzegovina, Croazia, Ispagna e Itàlia. Seus fueddendi de is video chi ant essi proietaus in sa saba consiliari de su Comunu de Santu Antiogu, in cursu Vitòriu Manuelli 115, di oi fintzas a su 9 de su mesi de su mesi de paschixèdda chi benit. S'ocasioni est sa rassegna internatzionali de "cortometraggi" aprontada de su Círculu "Màginis" e intitulada "Caminus di Autori: anodítzus mediterràneus". S'avenimentu est finantziau de su Comunu de Santu Antiogu, de sa Provìntzia de Crabònia Igrèsias e de su Parcu Geominerariu Istóricu e Ambientali de sa Sardigna. Is pellículas de is registas ant a allirgai a sa tzitadina de su Surcis po cuàturu diris afoxendidda in mundus culturalis istravanaus. "Caminus di Autori: anodítzus mediterràneus" est una de is primus manifestadas de tzínema mediterràneu e a oi est s'única rassegna dedicada totu a is "cortometraggi" mediterràneus. Diversus is temas acapiaus a is territórius de s'area in chistioni: sa cunditzioni feminina, sa pitzinnia, s'imigratzioni, s'assoladura sotziali. "Dógnia merì - si ligit in d-una nota de imprenta - ant essi presentis unus cantu registas de is 'cortometraggi' in visioni, fasius a si cunfrontai cun su públicu, ponendi in pràtiga unu chistionu interculturali: traditzioni mediterrànea po antonomàsia". Avenimentus de màginis in muimentu duncas, chi in prus de sa proietzioni de duas pellículas sardas ant a biri sa presentada puru de "cortometraggi" premiaus e sceberaus in is festival internatzionalis de importu prus mannu: de Clermont-Ferrand a Cannes, de New York a Venezia. Su de "Caminus de Autori: anodítzus mediterràneus" at essi unu programa arricu, chi at a tenni a s'internu suu unu-merì-avenimentu puru intitulau "Water project": totu una diri dedicada a su progetu “Water” cun seti "cortometraggi" dedicaus a s'àcua. Po pigai prus iscedas asuba de sa manifestada de tzínema telefonai a su númeru: 328 9576482 o iscriri a s'indiritzu e-mail: info@passaggidautore.it